Оның аумағында тауарлар мен көрсетілетін қызметтерді сатып алғаны үшін төлемдер жүзеге асырылатын Қазақстан Республикасының ақша бірлігі теңге болып табылады.
Қазақстан Республикасында төлемдерді жүзеге асыру тәсілдері туралы
Қазақстан Республикасының аумағында төлемдер қолма-қол және қолма-қол ақшасыз есеп айырысу түрінде жүзеге асырылады.
Қазақстан Республикасындағы өзге валюталардың айналысы
Қазақстан Республикасының аумағында міндеттемелер бойынша есеп айырысуларды жүзеге асыру кезінде шетел валютасын, сондай-ақ шетел валютасындағы төлем құжаттарын пайдалануға ерекше жағдайларда жол беріледі.
Валютаны Қазақстан Республикасының аумағына әкелу және валютаны Қазақстан Республикасының аумағынан әкету
Бұл қатынастар 05.07.2010 жылғы жеке тұлғалардың Кеден одағының кедендік шекарасы арқылы қолма-қол ақша қаражатын және (немесе) ақша құралдарын өткізу тәртібі туралы шартпен реттеледі.
Кеден одағы мемлекеттері (Әзірбайжан, Беларусь, Қазақстан, Қырғызстан, Ресей) арасында ақша қаражатын әкелу немесе әкету шектеусіз және кедендік декларациясыз жүзеге асырылады.
Кеден одағының кедендік аумағының құрамдас бөлігі болып табылмайтын аумаққа немесе аумаққа ақша қаражатын әкелген немесе әкеткен жағдайда – он мың АҚШ долларынан асатын сома міндетті кедендік декларациялауға жатады.
Декларациялаудың міндетті рәсімін орындамағаны немесе дұрыс емес мәліметтер бергені үшін декларацияланбаған валюталық құндылықтардың мөлшеріне байланысты әкімшілік (Қазақстан Республикасы Әкімшілік құқық бұзушылық туралы кодексінің 551-бабы) немесе қылмыстық (Қазақстан Қылмыстық кодексінің 241-бабы) жауапкершілік көзделген.
Қазақстан Республикасында шетел валютасын айырбастау:
1) Коммерциялық банктерде;
2) айырбастау пункттерінде, яғни қолма-қол шетел валютасымен айырбастау операцияларын жүргізудің арнайы жабдықталған орындарында (пп."Валюталық реттеу және валюталық бақылау туралы" 13.06.2005 жылғы №57 Заңның 1-бабы 1-тармағы).
Заңсыз валюталық операцияларды жасағаны үшін ескерту және жүргізілген операция сомасынан 50% - дан 100% - ға дейінгі мөлшерде айыппұл түрінде әкімшілік жауапкершілік көзделген.
Есіңізде болсын! Белгіленбеген жерлерде валюта айырбастау жағдайында сіз өзіңізді алдайсыз.
Жадынама құқық қорғау органдары академиясымен дайындалды Қазақстан Республикасы Бас прокуратурасының жанындағы
