Сондай-ақ, Бюро қалағаа халықаралық іскерлік іс-шараларды тарту және өткізу үшін корпоративтік сектор мен салалық қауымдастықтар өкілдерімен белсенді жұмыс жүргізеді.

2016 жылдан бастап Астана қ. Конвеншн Бюросы ICCA - Конгрестер мен конференциялардың халықаралық қауымдастығының мүшесі болып табылады.

2017 жылы Астана қ. Конвеншн Бюросы "ЭКСПО-2017" халықаралық мамандандырылған көрмесін дайындау және өткізу барысында қалалық құрылымдар жұмысының негізгі үйлестірушісі болды.

2018 жылдан бастап Астана қаласы UNWTO (БҰҰ Дүниежүзілік Туристік Ұйымы) үлестес мүшелері бағдарламасының құрамына кірді. Бүгінгі таңда оның ішінде әлем бойынша 500 мүше бар.

Конвеншн Бюро БҰҰ Дүниежүзілік Туристік Ұйымы, Дүниежүзілік кардиоваскулярлық және торакальдық хирургтар қауымдастығы, Жобаларды басқару халықаралық қауымдастығы, Азиялық мемлекеттік басқару қауымдастығы және басқа да көптеген ірі қауымдастықтар мен ұйымдардың іс-шараларын өткізді.

Өз қызметі барысында, Бюро бірқатар инфрақұрылымдық, инвестициялық, имидждік және инновациялық жобаларды іске асырды. Солардың қатарында велошейринг жүйесі, "Нор on - Hop off" жүйесі бойынша автобустық экскурсиялар, "Recommended by Astana" серіктестік бағдарламасы, қала қонақтары мен тұрғындарына арналған навигация жүйесі, бірыңғай туристік портал және "Visit Astana" мобильді қосымшасы және туризм индустриясы мен қонақжайлық үшін маңызды өзге де жобалар қызмет етеді.