2022 жылдың 8 маусымынан бастап Қазақстан Республикасы мен шетел азаматтары үшін шекарадан өту кезінде вакцинацияны растау және ПТР тестілеу талаптары жойылады. Мұндай шешім Қазақстанда коронавирустық инфекцияның алдын алу және таралуы жөніндегі ведомствоаралық комиссияның отырысында қабылданды.
Елдегі және әлемдегі эпидемиологиялық жағдайдың тұрақтануын ескере отырып, мынадай шешімдер қабылданды: ҚР азаматтары мен шетелдіктер үшін COVID-19-ға қарсы вакцинацияның немесе ревакцинацияның құжаттық растамасын (COVID-19-ға қарсы вакцинация туралы паспортты/сертификатты/анықтаманы), ал олар болмаған кезде Қазақстан Республикасының мемлекеттік шекарасын кесіп өткен кезде ПТР әдісімен COVID-19-ға қарсы сынаманың теріс нәтижесі бар анықтаманы ұсыну туралы міндетті талап алынды.