Cауран көшесі, 44
+7-702-859-28-84, +7 (7172) 93-71-76, +7 (7172) 93-71-72
Ресми веб-сайт
"ЭКСПО" Конгресс-Орталығы түрлі форматтағы іс-шараларды өткізу үшін шексіз мүмкіндіктері бар мекеме: халықаралық конгрестерден бастап, қойылымдық шоулар мен концерттерге дейін іс-шараларды өткізуге болады. Жалпы ауданы 43,220 шаршы метрді құрайтын Конгресс орталығы жер үстінде үш қабатты, сондай-ақ жерасты паркингі бар. Көршілес қонақ үй кешені мен Конгресс кеңсесімен бірге ол бірыңғай сәулет ансамблін құрайды. Конгресстің орталық ғимараты қазіргі және болашақ жетістіктердің даму динамикасын білдіреді. Іс-шараларды өткізудің негізгі залының ауданы 2659 ш. м. құрайды. Зал 2192 келушіге арналған, 1600 орындық көрермен алаңы телескопиялық жылжымалы трибунадан жасалған. Конгресс-орталықта баспасөз конференциялары мен кездесулерін өткізу үшін әрқайсысы ауданы 700 м2 болатын 500 орындық төрт Конференц-зал қарастырылған. Ресми қабылдаулар дәстүрлі түрде панорамалық балконы бар "Аспан" VIP залында өткізіледі. Залдың сыйымдылығы 400 адам, ауданы 230 ш.м. Конгресс-орталықтың кең вестибюльі, ауданы 2305 ш. м. және сыйымдылығы 500 адам көрмелер, жәрмеңкелер мен тұсаукесерлер өткізуге арналған алаң ретінде пайдаланылады.
