Қайырлы кеш, әріптестер!
Бүгін #VenuesNS айдарында сіздерге «Сарыарқа» республикалық велотрегі ұсынамыз.
Республикалық велотрек - велошабандоздың дулығасына ұқсайтын, әлемдегі ең үздік спорт ғимараттарының бірі. Велотректің жалпы ауданы - 44 957 м2, ғимарат алаңында: трек, сырғанақ, қонақ үй, мейрамхана, фитнес-орталық, кеңсе бөлмелері, конференц-залдар, бокс залы, гимнастика залы, ойын залы және шағын футбол алаңдары орналасқан.
Нысанның сыйымдылығы 9195 орынды құрайды. Жабынның ұзындығы 250 метр, ені 7 м, ал бұрылысы 42 градус, тік учаскелері 12,5 градус. Тректегі қозғалыс сағат тіліне қарсы бағытта жүреді.
Конференц-залда ресми баспасөз-конференциялары, брифингтер мен ресми жиналыстар, семинарлар өткізіледі. Жалпы аумағы 297 шаршы метр құрайтын, сыйымдылығы 204 адамдарға дейін.
2011 жылғы қаңтарда Сарыарқа велотрегінде VII Қысқы Азия ойындарын өткізу толық спорттық-мәдени қызметтің бастауы болды. Азия ойындарын өткізгеннен кейін велотрек әртүрлі республикалық және әлемдік жарыстарды, сондай-ақ спорттық жиындарды өткізу үшін пайдаланылады. Сонымен қатар басқа кешенді концерттер, мәдени – бұқаралық іс-шаралар, съездер мен форумдар өткізу үшін пайдалануға болады.
Мекенжайы: Нұр-Сұлтан қаласы, Қабанбай батыр даңғылы, 45А
Байланыс : +7 (7172) 707 234
Велотрекке виртуалды 3D-тур арқылы шолу үшін келесі сілтемеге өтіңіз:
https://www.nursultancb.com/VR/VelotrekSaryarka/index.html#pano16535/-7.3/1.7/68.8
