Нұр-Сұлтан қаласының әкімі 2021 жылына арналған елорданы көгалдандыру жоспарларымен бөлісті

А.Көлгіновтің айтуынша, биыл елордада жасыл аймақтар саны едәуір артады. Қала әкімдігі көгалдандыру бойынша үлкен жұмыстар атқарады деп болжауда.

Мәселен, аулалар мен қоғамдық кеңістіктерде (саябақтар, скверлер, бульварлар), сонымен қатар Қазақ елі алаңында, Бейбітшілік және келісім сарайының, Оқушылар сарайының, вокзалдың, әуежайдың, Сауда Орталықтарның, тұрақ кеңістіктерінің аумақтарында ағаш отырғызу жоспарлануда.

Жалпы биыл 120 мыңға жуық жасыл желек (ағаштар, бұталар, тірі ағаш шарбақтары), елорданың жасыл белдеуінде 450 мыңнан астам көшет отырғызылады.

Сонымен қатар, әкімнің айтуынша, "Астана Балет" маңындағы аумақта жасыл бақ, "Астана Опера" аумағында емен бағы, ал Триатлон паркінде жұпаргүл бағы салынбақ.